ممبئی ۔ فلم ’’ہم آپ کے ہیں کون‘‘ سال 1994 میں ریلیز ہوئی تھی۔ اب اس فلم کو ریلیز ہوئے 30 سال گزرچکے ہیں۔ لوگوں نے اس فلم کو نہ صرف 30 سال پہلے بلکہ آج بھی بہت پسند کرتے ہیں ۔ فلم کی ہدایت کاری سورج برجاٹیہ نے کی تھی۔ اسے 4.5 کروڑ روپے میں بنایا گیا تھا اور اس نے اپنے بجٹ سے کئی گنا زیادہ کمایا تھا۔ فلم نے دنیا بھر میں128کروڑ روپے کا بزنس کیا۔ اب سورج نے فلم کے بارے میں بات کی۔ سورج نے بتایا کہ فلم کی نمائش کا اہتمام ممبئی کے ایک لبرٹی سینما میں کیا گیا تھا۔ یہ وہ وقت تھا جب لبرٹی میں بی گریڈ فلمیں دکھائی جا رہی تھیں اور اس کا انفراسٹرکچر خراب ہو رہا تھا۔ ایسے میں اہل خانہ نے سنیما ہال میں آنا بندکردیا تھا جس کی وجہ سے خواتین کے لیے مناسب واش روم تک نہیں تھا۔ سورج نے بتایا کہ میٹرو سنیما جسے اب میٹرو انکس کہا جاتا ہے۔ جب انہوں نے فلم ہم آپ کے ہیں کون دکھانے سے انکارکر دیا۔ اس وقت لبرٹی کے مالک نذیر حسین نے اپنی فلم تھیٹر میں ریلیزکروائی۔ سورج نے مزید کہا کہ راج شری پروڈکشن نے فلم کو لبرٹی میں ریلیزکرنے کے لیے تمام شرائط مان لی تھیں۔ اس میں تھیٹر کو ہر لحاظ سے اپ گریڈ کرنا، اس وقت کا جدید ترین ، الٹرا سٹیریو ساؤنڈ سسٹم لگانا اور خواتین کے لیے بیت الخلاء کا مناسب انتظام کرنا شامل تھا۔ ‘ہم آپ کے ہیں کون’ کی کامیابی کے بعد لبرٹی کے لیے بھی ماحول بدل گیا۔ اس سنیما ہال میں دور دراز علاقوں سے لوگ فلمیں دیکھنے آتے تھے۔ سورج نے یہ بھی بتایا کہ پھر ایسا ہوا کہ لبرٹی کی ٹکٹ کی کھڑکی سال بھر تک نہیں کھلی۔ کیونکہ تمام شوز پیشگی فروخت ہو چکے تھے۔ یہاں تک کہ پورے ہفتے کے شوز بک گئے۔ ایسے میں ستاروں اور فلم سازوں کے علاوہ جن لوگوں کو فائدہ ہوا۔ یہ وہ لوگ تھے جو بلیک ٹکٹ بیچتے تھے، جنہوں نے بہت پیسہ کمایا۔ سورج نے بتایا کہ ایک بلیک ٹکٹ بیچنے والے نے فلم کے ٹکٹ بلیک میں بیچ کر دو فلیٹ خریدے۔
