نئی دہلی۔11 فبروری۔( سیاست ڈاٹ کام )وزارت داخلہ نے آج کہاکہ اس کے پاس ایسے گروپ کے بارے میں کوئی معلومات نہیں جسے ٹکڑے ٹکڑے گینگ کہا جارہا ہے ۔ لوک سبھا میں تحریری سوال کے جواب میں مملکتی وزیر داخلہ جی کشن ریڈی نے کہاکہ وزارت کے پاس اس اصطلاح کے بارے میں کوئی مخصوص معلومات نہیں ۔ اُنھوں نے کہاکہ قانون نافذ کرنے والی ایجنسیوں نے اس بارے میں کوئی مواد پیش نہیں کیا ہے ۔ یہ جواب کانگریس ارکان ونسنٹ پالا اور جسبیر سنگھ کے سوالات پر دیا گیا ۔
