وایڈیلیڈ۔2 ڈسمبر (سیاست ڈاٹ کام ) پاکستان اور آسٹریلیا کے درمیان ایڈیلیڈ میں سیریز کے دوسرے ٹسٹ میچ میں آسٹریلیا نے ڈیوڈ وارنر نے ٹرپل سنچری اسکورکی اور آسٹریلیا نے 589 رنز تین کھلاڑی آؤٹ پر اپنی پہلی اننگز ڈکلیئر کردی تھی۔یہ دوسرا موقع ہے کہ کسی آسٹریلیائی کرکٹر نے پاکستان کے خلاف ٹرپل سنچری اسکورکی کیونکہ اس سے قبل 1998 میں مارک ٹیلر نے ٹرپل سنچری اسکور کی تھی اور21 سال قبل پشاور میں آسٹریلیا کے خلاف ٹسٹ میچ کی پہلی اننگز ہر لحاظ سے ایڈیلیڈ ٹسٹ کی پہلی اننگز سے مماثلت رکھتی ہے۔ پاکستان اور آسٹریلیا کے درمیان اکتوبر 1998 میں پشاور میں سیریز کا دوسرا ٹسٹ میچ کھیلا گیا تھا اور ایڈیلیڈ کی طرح انہوں نے پشاور میں بھی ٹاس جیت کر پہلے بیٹنگ کا فیصلہ کیا تھا۔ مذکورہ میچ اس وقت کے آسٹریلیائی کپتان مارک ٹیلر نے ناقابل شکست ٹرپل سنچری اسکورکی تھی اور جب ان کا اسکور 334 رنز تھا تو انہوں نے آسٹریلیا کی اننگز ڈکلیئر کرنے کا اعلان کردیا تھا۔ یہ دراصل مارک ٹیلر کا سابق عظیم آسٹریلین بلے باز ڈان بریڈ مین کو خراج تحسین تھا کیونکہ ان کا بھی ٹسٹ کرکٹ میں سب سے بڑا اسکور334 رنز تھا اور اسی وجہ سے انہوں نے سابق کرکٹر کا ریکارڈ توڑنے کی کوشش نہیں کی تھی۔ ایڈیلیڈ ٹسٹ کی طرح اس میچ میں ٹیلر کا ساتھ جسٹن لینگر نے دیا تھا اور ان کے ہمراہ دوسری وکٹ کے لیے 279 رنزکی شراکت قائم کی تھی اور حسن اتفاق یہ کہ 21سال بعد وہ ریکارڈ ایڈیلیڈ میں وارنر اور مارنس لبوشین نے توڑا۔ اس میچ میں بھی آسٹریلیا نے اپنی اننگز 599 رنز4 کھلاڑی آؤٹ پر ڈکلیئر کردی تھی اور ایڈیلیڈ میں بھی آسٹریلیا 589 رنز 3کھلاڑی آؤٹ پر اپنی پہلی اننگز ڈکلیئر کردی تھی۔ اس میچ میچ میں بھی پاکستان کے تین بولرز شعیب اختر، مشتاق احمد اورکپتان عامر سہیل کی بولنگ میں سنچری اسکور کی تھی اور اس میچ میں بھی محمد عباس، محمد موسیٰ اور یاسر شاہ نے بولنگ میں سنچریاں اسکورکیں۔ سب سے حیران کن اور دلچسپ امر یہ کہ 21سال قبل کھیلے گئے مذکورہ میچ میں بھی پاکستان کے سب سے مہنگے بولر لیگ اسپنر مشتاق احمد رہے تھے اور اس میچ میں بھی لیگ اسپنر یاسر شاہ 197 رنز کے ساتھ سب سے زیادہ مار پڑی جبکہ دونوں ہی وکٹیں لینے سے محروم رہے۔تاہم ان دونوں ٹسٹ میچوں میں پاکستان کی بیٹنگ کا کسی بھی طور موازنہ ممکن نہیں کیونکہ 21 سال قبل اگر پاکستانی بولروں نے 599 رنز دیے تھے تو بیٹسمینوں نے بھی580 رنزاسکورکیے تھے اور پاکستان نے 9کھلاڑی آؤٹ پر اننگز ڈکلیئر کردی تھی۔ ایڈیلیڈ میں پاکستانی ٹیم اننگز شکست سے دوچار ہوئی ہے ۔
