پرستاروں کی حمایت پر اظہار تشکر ۔ ایم ایس دھونی
نئی دہلی : چینائی سوپر کنگس کے کپتان ایم ایس دھونی نے کہا کہ ان کیلئے ہندوستانی ٹیم کی نمائندگی کے بعد آئی پی ایل میں کھیلنا سب سے بہترین تجربہ ہے ۔ دھونی اب صرف آئی پی ایل میں حصہ لیتے ہیں۔ وہ ٹورنمنٹ کے آغاز 2008 سے پی چینائی سوپر کنگس کے ساتھ ہیں۔ دھونی اپنے کیرئیر کے اختتامی مراحل میں ہیں ۔ انہوں نے ایک ٹی وی چینل سے بات کرتے ہوئے کہا کہ آئی پی ایل کھیلنا ایک بہت اچھا احساس ہے اور اس کیلئے وہ پرستاروں کے شکر گذار ہیں۔ انہوں نے کہا کہ جب کبھی آپ کوئی کھیل کھیلتے ہیں اور پرستار اور شائقین اسے پسند کرتے ہیں تو یہ بہت اچھی بات ہے ۔ جہاں تک کرکٹ کی بات ہے تو یہ ہندوستان ہی میں کھیلی جانی چاہئے ۔ انہوں نے کہا کہ ہندوستانی ٹیم کا حصہ ہونا سب سے بڑی بات ہے ۔ اب چونکہ وہ آئی پی ایل نہیں کھیل رہے ہیں ایسے میں آئی پی ایل کھیلنا ہندوستانی ٹیم کا حصہ بننے کے بعد سب سے اچھی بات ہے ۔ یہ ایک اچھا احساس ہے ۔ جب کبھی آپ میدان پر آتے ہیں سب پرجسس ہوتے ہیں۔ وہ آپ کا انتظار کرتے ہیں اور چاہتے ہیں کہ آپ اچھی کارکردگی دکھائیں۔ پرستار کبھی چاہتے ہیں کہ کوئی ٹیم جیتے ۔ آپ اس ٹیم کے خلاف بھی کھیلتے ہیں تو عوام کی خواہش ہوتی ہے کہ آپ اچھا کھیلیں۔