ٹیم سلیکشن میں میرا یا ویراٹ کا رول نہیں تھا : شاستری

نئی دہلی: سابق کوچ روی شاستری نے ٹی20 ورلڈ کپ 2021 کے لیے منتخب ہندوستانی ٹیم کے بارے میں بڑا انکشاف کیا ہے۔ انہوں نے ایک ٹی وی پروگرام کے دوران کہا کہ اس ورلڈ کپ کے لیے منتخب ٹیم میں ان کا اور ویراٹ کوہلی کا کوئی کردار نہیں ہے۔ یعنی ان کے کہنے کا مطلب یہ ہے کہ 15 رکنی ہندوستانی ٹیم کو ٹی20 ورلڈ کپ 2021 کے لیے ان دونوں کی بات چیت کے بغیر منتخب کیا گیا تھا۔روی شاستری نے کہا کہ میں ٹیم کے انتخاب میں شامل نہیں تھا، حالانکہ میں پلیئنگ الیون کے انتخاب میں ضرور تھا۔ اس ٹورنمنٹ کے لیے 15 رکنی ٹیم کا انتخاب سلیکٹرز نے کیا، حتیٰ کہ کپتان وراٹ کوہلی سے بھی مشاورت نہیں کیا گیا۔ٹی 20 ورلڈ کپ 2021 کے خطاب کی انتہائی مضبوط دعویدار ٹیم انڈیا کو اس بار مایوسی ہوئی اور وراٹ کوہلی کی کپتانی میں ہندوستانی ٹیم گروپ مرحلے سے آگے نہیں بڑھ سکی۔