حیدرآباد۔ یونائٹیڈ مسلم فورم نے گریٹر حیدرآباد بلدی انتخابات میں ٹی آر ایس کی تائید کا اعلان کیا ہے۔ فورم کے ذمہ داروں مولانا محمد رحیم الدین انصاری ( صدر )، مولانا سید شاہ علی اکبر نظام الدین حسینی صابری ، مولانا سید محمد قبول بادشاہ قادری شطاری، مولانا میر قطب الدین علی چشتی، مولانا شاہ محمد جمال الرحمن مفتاحی، مولانا مفتی سید صادق محی الدین فہیم ، مولانا خالد سیف اللہ رحمانی، جناب ضیاء الدین نیر، جناب سید منیر الدین مختار ( جنرل سکریٹری ) مولانا سید شاہ ظہیر الدین علی صوفی قادری، مولانا سید مسعود حسین مجتہدی، مولانا سید تقی رضا عابدی، مولانا سید صفی احمد مدنی، مولانا اکرم پاشاہ قادری تخت نشین، مولانا سید شاہ فضل اللہ قادری، مولانا ظفر احمد جمیل حسامی، مولانا عبدالغفار خاں سلامی، مولانا زین العابدین انصاری، ڈاکٹر بابر پاشاہ، ڈاکٹر مشتاق علی اور جناب محمد شفیع الدین ایڈوکیٹ نے اپنے مشترکہ بیان میں کہا کہ شہر فرخندہ بنیاد کو فرقہ پرست طاقتیں نشانہ بنانا چاہتی ہیں شہر کے امن وامان کو متاثر کرنے کے درپہ ہیں ایسے میں شہریوں کی ذمہ داری ہے کہ وہ پُرامن حیدرآباد کیلئے زیادہ سے زیادہ اپنے ووٹ کا استعمال کرتے ہوئے فسطائی طاقتوں کو شکست دیں۔ عوام سے اپیل کی گئی کہ وہ ٹی آر ایس کو کامیاب بنائیں۔
