اقوام متحدہ: اقوام متحدہ میں ہندوستان کے مستقل نمائندے ٹی ایس تریمورتی نے سلامتی کونسل کی انسداد دہشت گردی کمیٹی کے چیرپرسن کا عہدہ سنبھال لیا ہے ۔منگل کو ہندوستان نے اقوام متحدہ میں ایک اور کارنامہ انجام دیتے ہوئے ملک کے مستقل نمائندے ٹی ایس تریمورتی نے 2022 کیلئے سلامتی کونسل کی انسداد دہشت گردی کمیٹی (سی ٹی سی) کے چیرمین کا عہدہ سنبھال لیا۔ تاہم، ہندوستان اس وقت 15 رکنی سلامتی کونسل کا غیر مستقل رکن ہے اور اس کی دو سالہ میعاد 31دسمبر 2022کو ختم ہوگی۔سی ٹی سی کے ایگزیکٹیو ڈائریکٹوریٹ کی طرف سے جاری کردہ ایک ٹویٹ میں کہا گیا ہے کہ ہندوستان کے مستقل نمائندے ٹی ایس تریمورتی انسداد دہشت گردی کمیٹی 2022 کے نئے چیرمین ہوں گے۔ ہندوستان نے یکم جنوری کو انسداد دہشت گردی کمیٹی کے ایگزیکٹو ڈائریکٹوریٹ کی طرف سے منظور کی گئی ایک قرارداد کے حق میں ووٹ دیا جس میں رکن ممالک پر زور دیا گیا تھا کہ وہ دہشت گردی کی کارروائیوں کو ان کے محرکات کی بنیاد پر تقسیم کرنے کے رجحان کے خلاف متحد ہو جائیں اور واضح کیا کہ اگر ایسا ہوتا ہے تو پوری دنیا کو 9/11 سے پہلے کے دور میں لے جائے گا۔
جب زیادہ تر وقت میرے دہشت گرداور تمہارے دہشت گردوں کی غیر ضروری بحث میں ضائع ہوتا تھا۔قرارداد کے حق میں ووٹنگ کے دوران ہندوستان نے کہاکہ 2022 میں سی ٹی سی کے صدر کے طور پر ہندوستان دہشت گردی سے نمٹنے کیلئے تنظیم کے کردار کو مستحکم کرنے کیلئے مخلصانہ کوششیں کرے گا، ساتھ ہی یہ بھی یقینی بنائے گا کہ پوری دنیا دہشت گردی کی لعنت کے خلاف لڑے ۔سی ٹی سی 2001 میں 9/11 کے واقعہ کے بعد تشکیل دی گئی تھی۔
