حیدرآباد ۔ 24 مارچ (این ایس ایس) ٹی سیوا سنٹر کو ’’سورنا تلنگانہ سیلف ایمپلائمنٹ اسکیم‘‘ کے تحت ریاست تلنگانہ میں تمام شہروں، ڈسٹرکٹس، منڈلس اور گرام پنچایت علاقوں میں ٹی سیوا اسکل سنٹرس کھولنے کیلئے انٹرپرائزس سے درخواستیں مطلوب ہیں۔ ٹی۔ سیوا سنٹرس کی جانب سے PACE کمپیوٹر ایجوکیشن سنٹر کے اشتراک سے غریب اور معاشی طور پر پسماندہ افراد کو سبسیڈائزڈ فیس کے تحت آئی ٹی ، کمپیوٹرس میں اسکل ٹریننگ فراہم کی جاتی ہے۔ ٹی سیوا سنٹر ایس سی، ایس ٹی، بی سی، ای بی سی، اقلیتوں، خواتین کو اور ایکس سروسمین کو ٹی سیوا اسکل سنٹرس شروع کرنے کیلئے رجسٹریشن فیس میں 25% سبسیڈی کی پیشکش کرتا ہے اور ’’سورنا تلنگانہ سیلف ایمپلائمنٹ اسکیم‘‘ کے تحت ٹی ۔ سیوا اسکل سنٹرس قائم کرنے میں انٹرپرائزس کی حوصلہ افزائی کیلئے ایک لاکھ روپئے کے کیش بیاک ووچرس بھی دیتا ہے۔ ٹی سیوا ڈائرکٹر وینکٹ ریڈی نے کہا کہ دلچسپی رکھنے والے انٹرپرائزس، موجود کمپیوٹر انسٹی ٹیوشنس ان کے علاقوں میں ٹی سیوا اسکل سنٹرس شروع کرنے کیلئے ویب سائیٹ www.pacecomputers.org پر آن لائن درخواست داخل کرسکتے ہیں۔
