ممبئی۔ راجستھان رائلز کے خلاف آئی پی ایل 14 سیزن کے 16 ویں مقابلے میں مسلسل چوتھی جیت درج کرنے کے بعد رائل چیلنجرز بنگلور (آر سی بی) کے کپتان وراٹ کوہلی ٹیم کے مظاہروں کے سے مطمئین ہیں اور کہا کہ ٹی20 کرکٹ میں ہمیشہ شراکت داری اہم رہی ہے ۔ جب ایک سرے پر کھلاڑی اچھاکھیل رہاہوتا ہے تو میرے لئے یہ یقینی بنانا اہم ہوتا ہے کہ میں اپنا وکٹ نہ گنواؤں، حالانکہ کئی بار ایسانہیں بھی ہوتا ہے ۔کوہلی نے میچ کے بعد کہا دیودت پڈیکل کی اننگز شاندارتھی۔ انہوں نے گزشتہ اوراپنے پہلے آئی پی ایل سیزن میں بھی اچھی بیٹنگ کی تھی۔ ڈریسنگ روم میں ان کے30 رنز کے بعد اننگز کو آگے نہ بڑھاپانے کے بارے میں کافی بات چیت ہوئی تھی، لیکن اس میچ میں انہوں نے کسی بیٹسمین کو میدان پر آنے کا موقع ہی نہیں دیا۔ سچ کہوں تو بیٹنگ کے لئے یہ اچھی پچ تھی اوران کے اور پڈیکل کے اونچے قد ہونے کے سبب بولروں کو لینتھ کے ساتھ جدوجہد کرنی کرنی پڑرہی تھی۔آرسی بی کے کپتان نے کہا میں اورپڈیکل نے ان کی سنچری کے بارے میں بات کی تھی۔ وہ مجھ سے میچ ختم کرنے کے لئے کہہ رہے تھے ، لیکن میں نے ان سے کہا کہ پہلے اپنی سنچری مکمل کرلو۔ انہوں نے کہا کہ اورسنچری آجائے گی۔ پھر میں نے کہا آپ ایک سنگ میل میں آنے کے بعد یہ کہہ سکتے ہیں۔ وہ سنچری کے حق دارتھے ۔ بیشک ہمارے پاس بولنگ میں بڑے نام نہیں ہیں، لیکن ہمارے پاس بااثربولر ہیں۔
