ماسکو، 9 ستمبر (سیاست ڈاٹ کام) فضائی کمپنی برٹش ایئر ویز کے پائلٹوں کی پیر اور منگل کو ہڑتال کی وجہ سے کمپنی نے اب تک 1500 پروازیں منسوخ کر دی ہیں ۔اسپوتنک نے ‘دی ٹیلیگراف’کے حوالہ سے بتایا کہ ہڑتال سے دو لاکھ 80 ہزار مسافروں پر اثر پڑا ہے اور اس سے کمپنی کو 98 ملین ڈالر کا نقصان ہوا ہے ۔برطانوی ایئر لائن پائلٹ ایسوسی ایشن نے 23 اگست کو تنخواہ اور مراعات میں کمی کے تنازعہ پر 9 اور 10 ستمبر کو ہڑتال پر جانے کا فیصلہ کیا تھا۔کمپنی نے پرواز منسوخ ہونے کے حالات میں تمام مسافروں سے اپنے اپنے مکانات میں رہنے کی درخواست کی ہے ۔