نئی دہلی، 9 جنوری (یو این آئی) پارلیمنٹ کا بجٹ اجلاس 28 جنوری سے شروع ہوگا اور دو اپریل تک جاری رہے گا۔پارلیمانی امور کے وزیر کرن رجیجو نے جمعہ کے روز سوشل میڈیا پلیٹ فارم ایکس پر یہ اطلاع دی۔ انہوں نے بتایا کہ بجٹ اجلاس دو مرحلوں میں منعقد ہوگا۔ پہلا مرحلہ 28 جنوری سے 13 فروری تک اور دوسرا مرحلہ 9 مارچ سے 2 اپریل تک ہوگا۔رجیجو نے اپنی پوسٹ میں لکھا کہ “مرکزی حکومت کی سفارش پر صدر جمہوریہ دروپدی مرمو نے بجٹ اجلاس 2026 کیلئے پارلیمنٹ کے دونوں ایوانوں کی نشست بلانے کی منظوری دے دی ہے ۔”بجٹ اجلاس کے دوران پہلے دن دونوں ایوانوں کی مشترکہ نشست میں صدرِ جمہوریہ کا خطاب ہوتا ہے ، جس کے بعد اقتصادی سروے پیش کیا جاتا ہے ۔ گزشتہ چند برسوں کی روایت کے مطابق، اس کے اگلے دن یعنی یکم فروری کو بجٹ پیش کیا جاتا ہے۔ پہلے مرحلے میں صدر کے خطاب پر شکریہ کی تحریک اور بجٹ پر بحث ہوتی ہے ۔ اس کے بعد وقفے کے دوران پارلیمانی کمیٹیاں وزارت وار بجٹ پر تفصیلی غور و خوض کرتی ہیں۔دوسرے مرحلے میں مالی بل اور گرانٹس کی مانگوں پر بحث کی جاتی ہے اور انہیں منظور کیا جاتا ہے ۔