نئی دہلی: کانگریس صدر ملکارجن کھرگے نے منگل کو یہاں مہاراشٹرا ریاستی یونٹ کے لیڈروں کے ساتھ میٹنگ کی۔پارٹی ہیڈکوارٹر میں ہوئی میٹنگ میں کانگریس کے سابق صدر راہول گاندھی بھی موجود تھے ۔ذرائع کے مطابق میٹنگ کے دوران کھرگے نے مہاراشٹرا میں پارٹی کو مضبوط بنانے اور ریاست میں حالیہ سیاسی پیش رفت پر تبادلہ خیال کیا۔ انہوں نے کہاکہ ”بی جے پی نے اپنی ‘واشنگ مشین’ کا استعمال کرکے مہاراشٹرا کی عزت نفس کو ٹھیس پہنچانے کا کام کیا ہے ۔ کانگریس اس سیاسی دھوکہ دہی کا منہ توڑ جواب دے گی۔ ہم مہاراشٹرا اور کانگریس کے شاندار رشتے کو مزید مضبوط کریں گے ۔دریں اثنا، گاندھی نے ایک سوشل میڈیا پوسٹ میں لکھاکہ “آج کانگریس صدر ملکارجن کھرگے جی کی قیادت میں مہاراشٹرا کانگریس کے رہنماؤں کے ساتھ ایک میٹنگ ہوئی۔ مہاراشٹرا کانگریس کا گڑھ ہے اور ہماری توجہ عوام کی آواز کے ساتھ پارٹی کو مضبوط کرنے پر مرکوز ہے ۔