نئی دہلی: سپریم کورٹ نے چہارشنبہ کو مہاراشٹر کے ضلع پال گھر میں دو سادھوؤں اور ان کے ڈرائیور کو پیٹ پیٹ کر کیے گئے قتل (ہجومی تشدد) کی این آئی اے سے تحقیقات کروائے جانے سے متعلق عرضی پر شنوائی دو ہفتے کے لیے ملتوی کر دی۔ جسٹس اشوک بھوشن کی زیرصدارت بینچ نے مہاراشٹر حکومت کو ہدایت دی کہ وہ اس معاملے میں دوسرا فرد جرم داخل کرے ۔ اس کے بعد عدالت عظمیٰ نے اس عرضی پر شنوائی دو ہفتے کیلئے ملتوی کر دی۔
