ریاض ۔سعودی عرب کے شہر تبوک اور عرعر میں دو سعودی نوجوانوں نے واٹر ٹینکر خدمات شروع کردی ہے۔عکاظ اخبار کے مطابق عرعر کے رہائشی ھایل العنزی نے کہا ہے کہ وہ تقریبا چھ برس سے واٹر ٹینکر کے ذریعے مقامی شہریوں اور مقیم غیرملکیوں کو ان کے گھروں پر پانی پہنچا رہے ہیں۔ ہم وطنوں کا رویہ بہت اچھا ہے اورکوئی انہیں کمتر نہیں سمجھ رہا ہے۔سعودی نوجوان نے مزید کہا کہ وہ اپنے اس روزگار سے خوش ہیں۔ حلال کمائی کا یہ مناسب ذریعہ ہے، وہ کسی کے ہاں ملازم نہیں ہیں اور سب لوگ ان سے اچھے طریقے سے پیش آتے ہیں۔ایک سوال پرھایل العنزی نے کہا کہ چوبیس گھنٹے کے دوران ڈیوٹی کے تین اوقات منتخب کیے ہیں۔ صبح، سہ پہر اور رات کے وقت واٹر ٹینکرکی سہولت صارفین کو مہیا کر رہا ہوں جو جب بھی واٹر ٹینکر طلب کرتا ہے اس کی سہولت کے مطابق گھر پر پانی پہنچا دیتا ہوں۔ ادھرتبوک میں بھی صقر العمرانی نامی سعودی نوجوان نے اپنی آمدنی میں اضافے کے لیے واٹر ٹینکر چلانا شروع کیا ہے۔العمرانی نے کہا ہے کہ اب ان کے کافی مستقل کاہگ بن گئے ہیں۔ سعودی نوجوان نے حکام سے مطالبہ کیا ہے کہ واٹر سپلائی کے شعبے میں بھی سعودائزیشن کی جائے تاکہ اس شعبے سے غیرملکیوں کی اجارہ داری ختم کرکے سعودی نوجوانوںکوکام کے مواقع میسرآئیں۔
