پائپ لائن اور کنکشن کو چیک کرنے خصوصی ایپ متعارف
حیدرآباد ۔ 28 ۔ نومبر : ( سیاست نیوز) : واٹر بورڈ نے شہر میں پانی کے مسئلہ کو دور کرنے کے لیے دور دراز سے لیجانے والے پانی کے استعمال پر توجہ مرکوز کی ہے ۔ اس پانی کو صاف کر کے فراہم کیا جاتا ہے ۔ پانی کے استعمال میں شفافیت ، غیر قانونی کنکشنس پر قابو پانے اور سپلائی سسٹم کو مزید بہتر بنانے کے لیے اقدامات کئے ہیں ۔ فیلڈ لیول پر ڈرین کنکشن کی مکمل تفصیلات جمع کرنے کے لیے 100 روزہ پلان کے ساتھ ایک خصوصی مہم شروع کی گئی ہے ۔ یہ خصوصی ٹیمیں گھر گھر جاکر تعین کرے گی کہ کیا ڈرین کنکشن غیر قانونی ہے یا نہیں ۔ پائپ لائن کے سائز اور کنکشن کی تعداد کو چیک کرنے اور خصوصی ایپ میں اپلی کیشن میں موقع پر ہی مکمل تفصیلات درج کرنے کے لیے اقدامات کئے گئے ہیں ۔ اگر رہائشی عمارت کے لیے ڈرین کا کنکشن ہے اور اس عمارت میں تجارتی سرگرمیاں چل رہی ہیں تو اسے تجارتی زمرے میں تبدیل کردیا جائے گا اور اگر کوئی غیر قانونی کنکشن ہے تو نوٹس جاری کی جائے گی ۔ اس کے بعد جرمانہ عائد کرتے ہوئے اسے ریگولرائز کرنے کے اقدامات کئے جائیں گے ۔ منیجرس کو ذمہ داری دی گئی ہے کہ وہ 100 دنوں میں واٹر بورڈ کے تحت ہر سیکشن میں 100 فیصد کنکشنس کا سروے مکمل کریں ۔ منیجر کی قیادت میں ایک ٹیم گھر گھر جاکر تفصیلات اکٹھا کرے گی ۔ جیسے کہ کسٹمر نمبر ، میٹر کی تفصیلات ، گھر کا رقبہ ، کمروں کی تعداد ، منزلوں کی تعداد ، کنکشن کیٹیگری وغیرہ ۔ غار قانونی کنکشنس کے خلاف کارروائی کی جائے گی ۔ واٹر بورڈ کے دائرہ کار کے مطابق :
کیٹیگری کنکشنس
ڈومسٹک 9,28,631
ڈومسٹک سلم 2,46,857
ڈومسٹک ایم یون 1,36,638
پلاٹس کے ساتھ گھریلو 14,835
ایم ایس اے سی گھریلو 38,493
کمرشیل 54,301
بلک کمرشیل 82
نل کنکشن پائپ لائن کے سائز کا بھی جائزہ لیا جائے گا اگر سائز میں فرق ہے تو بلنگ میں تبدیلی کی جائے گی ۔ واٹر بورڈ کے دائرہ کار میں لاکھوں کنکشن ہیں اس میں 85 فیصد گھریلو کیٹیگری اور باقی 15 کمرشیل کنکشنس ہیں ۔ ہر ماہ دس تا پندرہ ہزار کنکشن دئیے جارہے ہیں ۔ کچھ لوگ گھریلو مقاصد کے لیے کنکشن حاصل کر کے انہیں تجارتی مقاصد کے لیے استعمال کررہے ہیں ۔ واٹر بورڈ نے CAN سروے کے ذریعہ ان پر توجہ مرکوز کرنے اور ان کی تحقیقات کے لیے اقدامات کئے ہیں ۔۔ ش
