ماسکو۔26 نومبر ۔(سیاست ڈاٹ کام) پاپوا نیو گنی کے بوگن ویلیا جزیرے میں درمیانہ درجے کے زلزلہ کے جھٹکے محسوس کئے گئے۔امریکی جیولوجیکل سروے کے مطابق زلزلہ پیر کو مقامی وقت کے مطابق 4بجے آیا اور اس کی شدت ریختر پیما پر 5.4 تھی۔ امریکی جیولوجیکل سروے نے بتایا کہ زلزلہ کا مرکز پینگنا شہر کے مغرب میں 74 کلومیٹر کے فاصلے پر زمین کی سطح سے 49.6 کلو میٹر کی گہرائی میں تھا۔زلزلہ سے کسی بھی طرح کے نقصان کی فی الحال کوئی اطلاع نہیں ہے ۔
