اسلام آباد ۔24 اپریل ۔( سیاست ڈاٹ کام ) ماہِ صیام کے آغاز کے موقع پر پاکستان بھر کی مساجد میں حکومت اور علماء کرام کے درمیان مشاورت کے بعد متفقہ 20 نکاتی اعلامیے پر عمل جاری ہے۔کئی مساجد میں نمازیوں نے سماجی فاصلہ برقرار رکھ کر نماز پڑھی۔مختلف مساجد میں نمازیوں کیلئے بچھے قالین ہٹادئیے گئے، صفوں میں نمازیوں کے درمیان فاصلے کیلئے نشانات لگادیئے گئے ہیں۔مساجد کے اندر اور باہر 20 نکاتی ایس او پی کے نکات بھی آویزاں کردیئے گئے۔ ہدایت نامے میں نمازیوں سے حکومتی ایس او پی پر عملدرآمد کی گزارش کی گئی۔مختلف مساجد میں نمازیوں کے ہاتھ دھونے کیلئے صابن کا بھی انتظام کیا گیا۔