سالگرہ کے دن موت
اسلام آباد ، 3 جون (ایجنسیز) ۔ پاکستان کے دارالحکومت اسلام آباد کی پولیس کا دعویٰ ہے کہ انہوں نے پاکستان کی 17 برس کی ٹک ٹاکر ثنا یوسف کے قتل میں مبینہ طور پر ملوث ایک شخص کوگرفتارکرلیا ہے۔ آئی جی اسلام آباد سید علی ناصر رضوی نے سوشل میڈیا ٹک ٹاکر ثنا یوسف کے قتل کے ملزم کی گرفتاری کی تصدیق کرتے ہوئے بتایا ہے کہ ملزم کو فیصل آباد سے گرفتار کر کے اس سے ثنا یوسف کا موبائل بھی برآمدکر لیا ہے۔منگل کو آئی جی اسلام آباد سید علی ناصر رضوی نے ڈی آئی جی اور ایس ایس پیزکے ہمراہ پریس کانفرنس کرتے ہوئے کہا کہ ابتدائی تفتیش کے مطابق ملزم نے ثنا یوسف کی جانب سے خودکو بار بار مستردکیے جانے پر اسے قتل کیا۔ یہ معاملہ محبت کو مسترد کا تھا۔ ملزم نے ثنا یوسف کو اس لیے قتل کیا کہ وہ بار بار ثنا سے رابطہ کر رہا تھا اور وہ اس کو منع کر رہی تھی۔ وہ گذشتہ کئی دنوں سے ثنا یوسف سے سوشل میڈیا کے ذریعے رابطہ کرنے کی کوشش کر رہا تھا، اور 2 جون کو بھی اس نے ثنا یوسف کے گھر آ کر سات آٹھ گھنٹے انتظارکیا اور جب ثنا نے اس دن بھی اس سے ملنے سے انکارکیا تو اس نے منصوبہ بندی کی اور اس واردات کو انجام دیا۔ان کے مطابق 2 جون کو ملزم نے شام پانچ بجے ثنا یوسف کے گھرگھس کر اسے دوگولیاں ماری۔ موت کی صبح ثنا نے اپنی سالگرہ کا ایک ویڈیو شیئرکیا تھا۔ اس ویڈیو میں وہ اپنے دوستوں کے ساتھ نظر آرہی تھیں۔ ان کی یہ ویڈیو شاہ رخ خان کے گانے پر بنائی گئی تھی۔ اپنی آخری پوسٹ کی ویڈیو میں ثنا نے شاہ رخ خان کی فلم ڈنگی کا گانا ’’ لوٹ پوٹ گیا‘‘ پر اپنا مظاہرہ فلم بند کیا ہے۔ ان کے مداحوں نے بھی تبصروں کے سیکشن میں انہیں سالگرہ کی مبارکباد دی۔ انسٹاگرام کی تفصیلات سے معلوم ہوا کہ ثنا کو یہاں 5 لاکھ سے زیادہ لوگ فالوکرتے ہیں۔