کولمبو: سری لنکا کے شہر کولمبو میں کھیلے گئے فائنل میں انڈیا اے کے کپتان نے ٹاس جیت کر پاکستان شاہینز کو پہلے بیٹنگ کی دعوت دی۔پاکستان شاہینز نے طیب طاہر کی شاندار سنچری اور صاحبزادہ فرحان اور صائم ایوب کی نصف سنچریوںکی بدولت مقررہ 50 اوورز میں 352 رنز اسکور کیے۔پاکستان کی جانب سے دیے گئے ہدف کے تعاقب میں ہندوستانی ٹیم کے اوپنرز نے اپنی ٹیم کو 64 رنز کا آغاز فراہم کیا تاہم پہلی وکٹ گرنے کے بعد ہندوستان کی وکٹیں گرنے کا سلسلہ جاری رہا۔سوائے ابھیشیک شرما اور کپتان یش دھل کے علاوہ کوئی بھی انڈین بیٹر پاکستانی بولرز کے سامنے نہ ٹک سکا، دونوں نے بالترتیب 61 اور 39 رنز اسکور کیے۔پاکستان شاہینز کی جانب سے دیے گئے نشانہ کے تعاقب میں انڈیا اے کی ٹیم 224 رنز بنا کر آؤٹ ہو گئی اور اس طرح پاکستان نے ایمرجنگ ایشیا کپ 128 رنز سے جیت لیا۔ پاکستان کی جانب سے صفیان مقیم نے 3 کھلاڑیوں کو پویلین کی راہ دکھائی جبکہ محمد وسیم، ارشد اقبال اور مہران ممتاز نے دو دو کھلاڑیوں کو آؤٹ کیا۔ شاندار بیٹنگ کا مظاہرہ کرنے پر پاکستان کے طیب طاہر کو میچ کا بہترین کھلاڑی قرار دیا گیا۔