نئی دہلی۔ آل راؤنڈر روی چندرن اشون نے پاکستان کو ایشیا کپ 2023 کا سب سے مضبوط دعویدار اور ہندوستان کے ساتھ پسندیدہ قراردیا ہے ۔اپنے یوٹیوب چینل پر بات کرتے ہوئے اشون نے کہا کہ پاکستان کی کامیابی کا انحصار کپتان بابر اعظم اور وکٹ کیپر محمد رضوان کی کارکردگی پر ہے۔اگر بابر اعظم اور محمد رضوان مڈل آرڈر میں بیٹ کے ساتھ مسلسل کارکردگی کا مظاہرہ کرتے ہیں، تو پاکستان اس ایشیا کپ اور ورلڈکپ میں جانے والی ٹیم کے لیے ایک بڑا خطرہ بن جائے گا۔ اشون نے کہا پاکستان کو ہندوستان سے آگے بڑھانے کی وجہ بھی بتائی۔یہ سب ان کے اسکواڈ کی گہرائی کی وجہ سے ہے۔ پاکستان نے ہمیشہ غیر معمولی کرکٹرز فراہم کیے ہیں، ٹیپ بال کرکٹ کی وجہ سے، ان کے پاس ہمیشہ فاسٹ بولرس اپنی صفوں میں آتے رہے ہیں۔ 90 اور 2000 کی دہائی کے آخر میں ان کی بیٹنگ خاص رہی ہے، اشون نے کہا کہ ان کا مختلف لیگوں سے رابطہ پچھلے 5-6 سالوں میں ان کے دوبارہ ابھرنے کی ایک بڑی وجہ رہا ہے۔ ان کے پاس پی ایس ایل ہے۔ حالیہ بی بی ایل ڈرافٹس میں وہ کم از کم 60-70 پاکستانی کھلاڑی تھے۔ایشیا کپ کا ملتان کرکٹ اسٹیڈیم میں پاکستان بمقابلہ نیپال سے ہوا۔ پاکستان ٹورنمنٹ کا آغاز شاندار انداز میں کرنے کا خواہاں ہے کیونکہ وہ افغانستان کو سیریز میں 3-0 سے شکست دے کر ون ڈے رینکنگ میں سرفہرست ہے۔اشون نے مزید کہاکہ ہندوستان ٹیم کیلئے ایشیا کپ ورلڈ کپ کی تیاری کا بہترین موقع ہوگا اور یہاں کی فتوحات ٹیم او کھلاڑیوں کیلئے عالمی کپ میں حوصلے بلند کرنے والی ہوں گی جس کا راست فائدہ ٹیم کو ہوگا۔
