اسلام آباد: پاکستان کے الیکشن کمیشن نے رجسٹرڈ سیاسی جماعتوں کی نئی فہرست جاری کر دی، جس میں پاکستان تحریک انصاف بھی شامل ہیں۔ الیکشن کمیشن کے پاس اس وقت 166 رجسٹرڈ سیاسی جماعتیں ہیں۔گزشتہ ہفتے الیکشن کمیشن نے 13 جماعتوں کو خارج کر دیا تھا، ڈی لسٹ ہونے والی جماعتوں میں پاکستان نیشنل مسلم لیگ، سنی تحریک، آل پاکستان مینارٹی الائنس، پاکستان امن پارٹی،آل پاکستان تحریک اورعوامی پارٹی پاکستان شامل تھیں۔کمیشن نے کہا کہ متعدد نوٹسوں کے باوجود تیرہ سیاسی جماعتوں نے غیرسنجیدہ رویہ اپنائے رکھا۔
