اسلام آباد: کورونا وائرس کی تیسری لہر بچوں میں تیزی سے پھیلنے لگی، وفاقی دارالحکومت میں ایک ہی دن میں ایک سال سے 10 سال کے بچوں میں کورونا کے مثبت کیس 49 سے بڑھ کر 92 ہو گئے ہیں۔تفصیلات کے مطابق کورونا وائرس کی تیسری لہر بچوں کو تیزی سے اپنا شکار کر رہی ہے جبکہ گزشتہ 24 گھنٹوں کے دوران سب سے زیادہ اسلام آباد کے نوجوان کورونا کا شکار ہوئے ہیں۔ڈسٹرکٹ ہیلتھ آفیسر کے مطابق 24 گھنٹے میں ایک سے 10 سال کے 92 بچوں میں کورونا کی تصدیق ہوئی ہے جبکہ وفاقی دارالحکومت میں کورونا کے مثبت کیسوں کی شرح 10.7 فیصد ہو گئی ہے جبکہ ایک دن میں ملک میں کورونا ٹیسٹ مثبت آنے کی شرح 10 فیصد رہی اور مزید 67 افراد اس وباء سے انتقال کرگئے ہیں۔رپورٹس کے مطابق ایک سے دس سال کی عمر کے بچوں میں کورونا وائرس تیزی سے پھیلنے لگاہے جبکہ ڈی ایچ او اسلام آباد ضعیم ضیاء کے مطابق گزشتہ 24 گھنٹوں کے دوران اسلام آباد میں ایک سے 10 سال کے 92 بچے کورونا کا شکار ہوئے، تاہم 25 مارچ کو کورونا کا شکار ہونے والے بچوں کی تعداد 49 ریکارڈ کی گئی تھی۔دوسری جانب وفاقی دارالحکومت میں گزشتہ 24 گھنٹوں میں 21 سے 30 سال کے 193 افراد کا کورونا ٹیسٹ مثبت آیا، 31 سے 45 سال کی عمر کے 145 افرادکورونا 81 سال سے زائد عمر کے 4 افراد کورونا کا شکار ہوئے جبکہ گزشتہ روز 383 مرد اور 280 خواتین کا کورونا ٹیسٹ مثبت آیا تھا۔این سی او سی کے مطابق 24 گھنٹوں میں مزید 4 ہزار468 کیس رپورٹ ہوئے اور گزشتہ روز ملک بھر میں کورونا کے 44 ہزار 279 ٹیسٹ کیے گئے ۔
