اسلام آباد: پاکستان ٹیلی کمیونیکیشن اتھارٹی (پی ٹی اے) نے گوگل اور وکی پیڈیا کو اپنے پلیٹ فارمز سے گستاخانہ مواد ہٹانے کے لیے نوٹس جاری کیے ہیں۔جمعے کو پی ٹی اے کی جانب سے جاری کیے گئے اعلامیے میں کہا گیا ہے کہ اتھارٹی کو گوگل پلے اسٹور پر قرآن پاک کے غیر مستند نسخے کے اپ لوڈ کیے جانے کی شکایات موصول ہوئی ہیں’اسی طرح سرچ انجن خلیفہ اسلام کے حوالے سے بھی گمراہ کن نتائج دکھاتا ہے جس کے خلاف شکایات آئی ہیں۔‘پی ٹی اے کے مطابق یہ انتہائی سنجیدہ نوعیت کا معاملہ ہے جس پر گوگل سے رابطہ کر کے غیرقانونی مواد ہٹانے کے لیے کہا گیا ہے پاکستان ٹیلی کمیونیکیشن اتھارٹی نے کہا ہے کہ متعلقہ پلیٹ فارم کو پریونشن آف الیکٹرانک کرائم ایکٹ 2016 (پی ای سی اے) اور قواعد 2020 کے تحت گستاخانہ مواد ہٹانے کا نوٹس جاری کیا گیاپی ٹی اے نے کہا ہے کہ عدم تعمیل کی صورت میں قانون کے مطابق کارروائی کی جا سکتی ہیاتھارٹی نے کہا ہے کہ وکی پیڈیا پر پیغمبر اسلام کے گستاخانہ خاکوں کی موجودگی اور مضامین کے ذریعے گمراہ کن معلومات پھیلانے کے خلاف بھی شکایات موصول ہوئیں جن پر پلیٹ فارم کو مواد ہٹانے کے لیے نوٹس بھیجا گیا ہے پاکستان ٹیلی کمیونیکیشن اتھارٹی کے مطابق مواد نہ ہٹانے کی صورت میں پریونشن آف الیکٹرانک کرائم ایکٹ 2016 (پی ای سی اے) اور قواعد 2020 کے تحت کارروائی کی جائے گی۔
