آسٹریلیا۔ پاک ڈے نائٹ ٹسٹ
پاکستان کو فالو آن کے بعد بھی مشکلات۔ 3 کھلاڑی پویلین واپس
اننگز کی شکست سے بچنے کیلئے مزید248رنز درکار،پہلی اننگز میں 302رنز پرآؤٹ
ایڈیلیڈ ۔یکم ڈسمبر(سیاست ڈاٹ کام) آسٹریلیا میں پاکستان کی مشکلات کا سلسلہ جاری ہے۔ایڈیلیڈ ٹیسٹ کے تیسرے دن کے پہلے سیشن کے دوران آسٹریلیا کے 589 رنز کے جواب میں یاسر شاہ، بابر اعظم اور بولرز کی مزاحمت کے باوجود پاکستان فالو آن کا شکار ہو گیا ۔فالو آن کا شکار ہونے کے بعد بھی پاکستان کی مشکلات میں کمی نہیں ہوئی اور اس کے تین کھلاڑی محض39رنوں پر پویلین لوٹ گئے۔ پاکستان نے اپنی پہلی اننگز میں صرف 302 رنز بنائے جس میں بابر اعظم کے 97 اور یاسر شاہ کے 113 رنز نمایاں رہے۔تیسرے دن کے آغاز میں یاسر شاہ اور بابر اعظم نے عمدہ کھیل کا مظاہرہ کرتے ہوئے سنچری شراکت بنائی۔ تاہم بابر اعظم کو مچل سٹارک نے 97 کے انفرادی سکور پر آؤٹ کر دیا۔یاسر شاہ نے پاکستان کے ٹاپ آرڈر کو سبق سکھاتے ہوئے اپنے کریئر کی پہلی سنچری 192 گیندوں پر 12 چوکوں کی مدد سے مکمل کی۔یہ ان کی اننگز میں پانچویں وکٹ تھی، اگلی ہی گیند پر انھوں نے شاہین شاہ آفریدی کو ایل بی ڈبلیو کر کے اننگز میں اپنی وکٹوں کی تعداد چھ کر دی۔پاکستان کے بولرز محمد عباس اور محمد موسیٰ نے بھی یاسر کا خوب ساتھ دیا اور بالترتیب 22 اور 12 رنز بنائے۔آسٹریلیا کی جانب سے پیٹ کمنز نے تین جبکہ ہیزل وڈ نے ایک کھلاڑی کو آؤٹ کیا۔یاسر شاہ نے پاکستان کے ٹاپ آرڈر کو سبق سکھاتے ہوئے اپنے کریئر کی پہلی سنچری 192 گیندوں پر 12 چوکوں کی مدد سے مکمل کی۔اس سے قبل اس میدان پر وسیم اکرم نے اپنے کریئر کی پہلی سنچری بنائی تھی اور عمران خان کے ساتھ شراکت داری قائم کر کے پاکستان کی یقینی شکست کو ڈرا میں تبدیل کر دیا تھا۔دوسرے دن آسٹریلیا کی جانب سے دن کا آغاز ڈیوڈ وارنر اور مارنس لابوشین نے 302/1 سے شروع کی تو لابوشین آغاز میں ہی شاہین آفریدی کی خوبصورت گیند کا شکار ہوئے۔آسٹریلیا کی جانب سے مچل سٹارک نے چار، جبکہ ہیزل ووڈ اور پیٹ کمنز نے ایک ایک کھلاڑی کو آؤٹ کیا۔آسٹریلیا کو دوسری کامیانی پیٹ کمنز کی بولنگ پر ملی جنھوں نے اظہر علی کو نو رنز پر آؤٹ کیا۔اس سے قبل آسٹریلیا کی جانب سے ڈیوڈ وارنر نے 335 رنز کی ناقابلِ شکست اننگز کھیلی تھی۔ یہ وارنر کے کریئر کی پہلی ٹرپل سنچری تھی۔ان کا ساتھ نمبر تین پر آنے والے مارنس لابوشین نے دیا جنھوں نے 162 رنز کی شاندار اننگز کھیلی۔پاکستان کے اکلوتے کامیاب بولر شاہین آفریدی رہے جنھوں نے تین کھلاڑیوں کو آؤٹ کیا۔شاہین آفریدی نے جو برنز کو پہلے دن جبکہ مارنس لابوشین کو دوسرے دن کے آغاز میں آؤٹ کیا۔ شاہین کا تیسرا شکار سٹیو سمتھ رہے جنھوں نے 36 رنز بنائے۔نسیم شاہ اور محمد موسیٰ کا یہ پہلا ٹسٹ میچ ہے جس میں ایک بات مشترکہ ہے اور وہ یہ کہ دونوں نے ڈیوڈ وارنر کو نو بال پر آؤٹ کیا۔ایڈیلیڈ ٹیسٹ کے دوسرے دن پہلے سیشن میں محمد موسیٰ نے ڈیوڈ وارنر کو گلی کی پوزیشن پر کھڑے بابر اعظم کے ہاتھوں کیچ کرایا لیکن جب پیچھے مڑ کر دیکھا تو امپائر نو بال کا اشارہ کر رہے تھے۔وارنر اس وقت 226 رنز پر کھیل رہے تھے۔ پہلے دن آسٹریلین کپتان ٹم پین نے ٹاس جیت کر پہلے بیٹنگ کا فیصلہ کیا ہے۔ آسٹریلیا نے اپنی وننگ ٹیم کو برقرار رکھا ہے جبکہ پاکستان نے تین تبدیلیاں کی تھیں۔میزبان ٹیم کو سیریز میں 1-0 کی برتری حاصل ہے۔ کھیل کچھ وقت کیلئے بارش سے متاثر ہوا ۔