اسلام آباد : پاکستان کے لیے نامزد امریکی سفیر ڈونالڈ بلوم کا کہنا ہے کہ پاکستان سے تجارتی اور معاشی تعلقات بڑھانا امریکہ کے مفاد میں ہے۔ امریکہ کی سینیٹ کمیٹی برائے خارجہ تعلقات میں بیان دیتے ہوئے ڈونالڈ بلوم کا کہنا تھا کہ بطور سفیر پاکستان پر زور دوں گا کہ دہشت گرد گروہوں کیخلاف بلا تفریق کارروائی کرے، پاکستان اور امریکہ القاعدہ، داعش اور کالعدم تحریک طالبان پاکستان (ٹی ٹی پی) کے خلاف مل کر کام کریں گے۔امریکہ پاکستان کا مشورہ مانتا تو افغان جنگ اور ہزیمت سے بچ سکتا تھا، سابق آئی ایس آئی چیفڈونالڈ بلوم نے کہا کہ پاکستان پر زور دیا جائے گا کہ لشکر طیبہ اور جیش محمد کے خلاف بھی کارروائی کرے، خطہ کسی اور تنازعہ کا متحمل نہیں ہو سکتا، ساتھ ہی پاکستان اور بھارت کے مابین تناؤ کو کم کرنے پر بھی کام کیا جائے گا، باہمی اور دوطرفہ تعلقات کے لیے بھارت اور پاکستان دونوں کو ہی کام کرنا ہوگا۔
