اسلام آباد: آج صبح پاکستان کے حیدرآباد اور کوٹری میں زلزلہ کے جھٹکے محسوس کئے گئے ۔زلزلہ پیما مرکز کے مطابق 3.3 شدت کے زلزلہ کا مرکز حیدرآباد کے مغرب میں 70 کلومیٹر دور تھا جبکہ زلزلے کی گہرائی 30 کلو میٹر تھی۔اس سے قبل سوات، شانگلہ، بونیر، لوئر دیر،اپر دیر، چترال اور مالاکنڈ میں بھی زلزلہ کے جھٹکے محسوس کئے گئے تھے ۔میڈیا رپورٹس کے مطابق زلزلہ سے کسی جانی یا مالی نقصان کی اطلاع نہیں ملی۔واضح رہے کہ 4 دن قبل کراچی کے مختلف علاقوں میں بھی زلزلہ کے جھٹکے محسوس کیے گئے تھے ، تب کراچی میں زلزلے کی شدت 4.1 بتائی گئی۔
