کنگسٹن۔ویسٹ انڈیز کے خلاف پہلے ٹسٹ میں پاکستان کی ٹیم217 رنز پر ڈھیر ہوگئی۔ساتھ ہی ویسٹ انڈیز کے بھی 2 رنز پر 2 کھلاڑی آوٹ ہوچکے ہیں اور اسے اب بھی 215 رنز کے خسارے کا سامنا ہے۔ پہلے ٹسٹ میں ویسٹ انڈیز نے ٹاس جیت کر پاکستان کو بیٹنگ کی دعوت دی ۔پاکستان نے اننگز کا آغازکیا توکیمروچ نے 11 رنز بنانے والے عمران بٹ کی وکٹ بکھیر دی۔ اگلے ہی اوور میں جیڈن سیلز نے عابد علی کوآوٹ کیا۔تجربہ کار اظہر علی اور بابر اعظم نے مزید کسی نقصان کے بغیر اسکور 34 تک پہنچایا ہی تھا کہ میچ بارش کی وجہ سے روک دیا گیا۔
جب بارش کے سبب کھیل روکا گیا تو پاکستان نے دو وکٹوں کے نقصان پر 34 رنز بنائے تھے۔ فواد عالم کی فہیم اشرف کے ساتھ 85 رنز کی پارٹنرشپ نے ٹیم کو کچھ سنبھالا دیا تاہم 186 رنز کے مجموعے پر فہیم اشرف 44 رنز بنا کر رن آوٹ ہوئے۔فواد 56 رنز بنا کرسرفہرست رہے۔
