حیدرآباد : پربھاس کی ساوتھ سے بالی ووڈ تک مضبوط گرفت ہے۔ پین انڈیا کے سوپر اسٹار بننے والے پربھاس کی فلموں کا مداح بے صبری سے انتظارکرتے ہیں۔ جنوبی اسٹارکو آخری بار فلم کالکی میں دیکھا گیا تھا۔ اس فلم نے 1000کروڑ روپے سے زیادہ کا بزنس کیا تھا۔ اب مداحوں کو پربھاس کی اگلی فلم کا انتظار ہے۔ سوپر اسٹار کے آنے والے پروجیکٹس میں کئی بڑی فلموں کے نام شامل ہیں لیکن ہر کوئی ‘اینیمل’ کے ڈائریکٹر سندیپ ریڈی وانگا کے ساتھ ان کی فلم ‘اسپرٹ’ کا انتظارکررہا ہے۔ اب ‘اسپرٹ’ کی شوٹنگ کے حوالے سے نئی معلومات سامنے آئی ہیں۔ اینیمل بنانے کے بعد سندیپ تب سے ‘اسپرٹ’ پرکام کررہے ہیں۔ یہ ایک پولیس عہدیدار کی زندگی پر مبنی ایکشن تھرلر فلم ہوگی۔ پربھاس اس فلم میں پولیس عہدیدار کا کردار ادا کرتے نظر آئیں گے۔ فلم فی الحال کہانی کے مرحلے میں ہے کیونکہ ہدایت کار سندیپ ریڈی وانگا اپنے اگلے ہدایتکاری کے منصوبے کے ساتھ پولیس کی نئی تعریف کرنا چاہتے ہیں، جس میں ہیرو بمقابلہ ویلن کی شکل ہوگی۔ ‘اسپرٹ’ کے لیے کاسٹنگ جاری ہے۔ رپورٹ کے مطابق سندیپ ریڈی وانگا اکتوبرکے مہینے میں ‘اسپرٹ’ لانچ کرنا چاہتے ہیں۔ ‘اسپرٹ’ لکھنے کے پورے عمل میں توقع سے زیادہ وقت لگا، حالانکہ فلم محض ایک عام پولیس تھرلر سے کہیں زیادہ ہے۔ وانگا کو کہانی کو اسکرین پلے میں تبدیل کرنے میں6 ماہ سے زیادہ کا وقت لگا۔ کاسٹنگ کا کام مستقل طور پر جاری ہے اور اب جب کہ زیادہ تر چیزیں اپنی جگہ پر مکمل ہیں، سندیپ ریڈی وانگا ستمبر/اکتوبر 2025 سے پربھاس کے ساتھ ‘اسپرٹ’ کی شوٹنگ شروع کرنے کے لیے تیار ہیں۔ اگر رپورٹس پر یقین کیا جائے تو ‘اسپرٹ’ شروع کرنے جانے سے پہلے پربھاس اپنے جاری پروجیکٹس ‘راجہ صاب’ اور ‘فوجی’ کا ایک بڑا حصہ مکمل کر لیں گے۔ سندیپ ریڈی وانگا ‘اسپرٹ’ کے لیے ایک خاص طریقے سے شوٹنگ کرنا چاہتے ہیں اور انہوں نے پربھاس سے درخواست کی ہے کہ وہ ایک دبلا جسم بنائے رکھیں۔ یہ بھی مانا جا رہا ہے کہ پربھاس کو ‘اسپرٹ’ میں زیادہ تر اسٹنٹ خود کرنے ہوں گے۔ پربھاس بھی ایسا کرنے کے لیے پرجوش ہیں۔
