حیدرآباد ۔16 جولائی (ایجنسیز) پہلے پربھاس، پھر رام چرن اور جونیئر این ٹی آر کے بعد اب ایس ایس راجامولی نے مہیش بابو پر بڑی شرط لگائی ہے۔ ان کے ساتھ اگلی فلم پرکام جاری ہے، جس کا عارضی عنوان ایس ایس ایم بی29 ہے۔ یہ فلم 1000 کروڑکے بجٹ سے بنائی جا رہی ہے۔ فلم میں مہیش بابو کے علاوہ پرینکا چوپڑا، پرتھوی راج سوکمارن اور اب آر مادھاون کی آمدکی خبریں ہیں۔ کچھ شیڈول مکمل ہو چکے ہیں۔ اب سب سے اہم شیڈول کی باری ہے۔ اس سے پہلے بھی مہیش بابو فلم کو بلاک بسٹر بنانے کے لیے زوردار اقدام کر چکے ہیں۔ تاہم اداکارجو کام کرنے جا رہے ہیں، پربھاس پہلے ہی راجامولی کے ساتھ کر چکے ہیں۔ دراصل راجامولی اپنی اگلی ایڈونچر فلم کی شوٹنگ ملک کے مختلف مقامات پرکررہے ہیں۔ جس میں ہندوستان کے علاوہ کئی دوسرے ممالک بھی شامل ہیں۔ اس دوران تیلگو سنیما پر ایک رپورٹ شائع ہوئی۔ پربھاس اور رام چرن نے اپنی پچھلی فلموں میں جوکام کیا اورکروڑوں روپے کمائے، وہ کام اب مہیش بابو کریں گے؟۔ ایک نئی رپورٹ میں انکشاف کیاگیا ہے کہ مہیش بابو فلم میں کم ازکم باڈی ڈبل استعمال کریں گے۔ وہ اپنے اسٹنٹ خودکرنے پر توجہ دے رہا ہے۔ خاص طور پر، وہ ہائی رسک ایکشن اسٹنٹ خود کرنے جا رہا ہے۔ ایسا اس لیے کیا جا رہا ہے تاکہ تھرلر مناظرکی شوٹنگ کے دوران پوری توجہ مہیش بابو پر رہے۔ دراصل، پربھاس نے باہوبلی میں بھی زیادہ تر اسٹنٹ خودکیے تھے۔ رام چرن نے بھی ایسا ہی کیا ہے۔دراصل، پربھاس کی باہوبلی پارٹ 1 اور 2 نے دنیا بھر میں 2400 کروڑ کا بزنس کیا ہے۔ جبکہ رام چرن کی آر آر آر نے 1200کروڑ حاصل کئے تھے۔ امید ہے کہ مہیش بابو بھی کچھ ایسا ہی کر پائیں گے۔ حال ہی میں اس فلم کے بارے میں اطلاعات موصول ہوئی تھیں کہ سینماٹوگرافر سینتھک کمار اس فلم کا حصہ نہیں ہوں گے۔ جو مگدھیرا، باہوبلی اور آر آر آر سے منسلک تھے۔ ان کے مطابق یہ فیصلہ راجامولی کا ہے۔ وہ اس بار کچھ نیا کرنے کا ارادہ کر رہے ہیں۔رپورٹس کے مطابق فلم میں پریانکا چوپڑا کا ایک ڈانس نمبر ہوگا۔ وہ پہلے ہی میوربھنج چھاؤ ڈانس سیکونس شوٹ کر چکی ہیں۔ اس بات کا انکشاف کوریوگرافر نے کیا۔
