نئی دہلی، 2مئی (سیاست ڈاٹ کام) کانگریس کی اترپردیش کی انچارج جنرل سکریٹری پرینکا گاندھی نے پردھان منتری کیئر فنڈ کے لئے ضلع انتظامیہ کے آروگیہ سیتو ایپ ڈاون لوڈ کرنے کے بدلہ ہر شخص سے سو روپے وصولنے کی ہدایت کی مذمت کرتے ہوئے اس میں بڑے گھپلہ کا اندیشہ ظاہر کیا ہے اور اس فنڈ کا آڈٹ کرانے کی مانگ کی ہے ۔پرینکانے آج کہاکہ اترپردیش کی بھدوہی ضلع انتظامیہ نے ایک ہدایت میں اعلی حکام سے آروگیہ سیتو ایپ ڈاون لوڈ کراتے ہوئے 100روپے کا تعاون یقینی بنانے کے لئے کہا ہے ۔ انہو ں نے اس ہدایت پر تشویش ظاہر کی اور حکومت سے پی ایم کیئر فنڈ آڈٹ کرانے کی درخواست کی۔
بعد میں پارٹی کے محکمہ مواصلات کے سربراہ رندیپ سنگھ سرجے والا نے بھی یہاں منعقدہ پریس کانفرنس میں کہاکہ ملک سے فرار ہوچکے بینک چوروں کے 68000کروڑ معاف ہوئے۔ اس کاحساب ہونا چاہئے ۔ بحران کے وقت عوام کے سامنے شفافیت اہم ہے ۔ اس میں عوام اور حکومت دونوں کی بھلائی ہے ۔