لندن : برطانوی شہزادہ ہیری اور ان کی اہلیہ، میگھن مارکل کو ایک کے بعد ایک بری خبریں ملنے کے بعد آخر کار اب ایک خوشی کی خبر مل گئی۔بین الاقوامی میڈیا کی رپورٹ کے مطابق، نیویارک ٹائمز کے سب سے زیادہ فروخت ہونے والے ناول’میٹ می ایٹ دی لیک‘ پر فلم بنانے کے حقوق ہیری اور میگھن کو ملنے کے بعد ناول کی سیلز رینکنگ میں بہتری آگئی۔رپورٹ میں بتایا گیا ہے کہ یہ ناول سیلز رینکنگ میں اب 190 سے 35 ویں نمبر پر آگیا ہے۔ڈیوک اور ڈچس آف سسیکس اپنے ملٹی ملین ڈالر کے معاہدے کے حصّے کے طور پر نیٹ فلکس کے لیے اس ناول پر فلم بنائیں گے۔
