بالی ووڈ سے لے کر ہالی ووڈ فلم انڈسٹری میں پرینکا چوپڑہ نے بڑا مقام حاصل کیا ہے۔ دراصل حال ہی میں پرینکا چوپڑہ نے اپنے ٹوئٹر اور انسٹاگرام اکاؤنٹ پر سوناکشی سنہا اور ورون شرما اسٹار فلم ’’خاندانی شفاء خانہ‘‘ کا ٹریلر شیر کیا۔ دلچسپ بات یہ ہے کہ انہوں نے اسے شیر کرتے ہوئے اپنے بھائی سدھارتھ کی کافی سراہنا کی جس سے صاف ظاہر ہے کہ ان کے بھائی فلم خاندانی شفاء خانہ سے جڑے ہیں، لیکن اس بات کی اطلاع نہیں دی گئی کہ سدھارتھ فلم میں ایکٹر کا کردار نبھا رہے ہیں یا پروڈیوسر کے طور پر فلم کے پوسٹر یا ٹریلر میں سدھارتھ کا نام بھی نہیں دیا گیا ہے۔ اس لئے اس فلم میں سدھارتھ کے رول پر ابھی تک تجسس بنا ہوا ہے۔