راہول گاندھی کی خواتین کو عالمی یوم خواتین پر مبارکباد
نئی دہلی8مارچ (سیاست ڈاٹ کام ) کانگریس لیڈر پرینکا گاندھی واڈرا نے مبینہ تشدد میں ملوث افراد کے پوسٹر لگانے کے لئے اترپردیش حکومت کی مذمت کرتے ہوئے اتوار کو کہا کہ وہ خود کو ماورائے آئین سمجھ رہی ہے ۔پرینکا نے ایک ٹوئٹ میں کہاکہ ’’یوپی کی بی جے پی حکومت کا رویہ ایسا ہے کہ حکومت کے سربراہ اور ان کے نقشے قدم پر چلنے والے افسران خود کو بابا صاحب امبیڈکر کے ذریعہ بنائے گئے آئین سے اوپر سمجھنے لگے ہیں۔ ہائی کورٹ نے حکومت کو بتایا ہے کہ آپ آئین سے اوپر نہیں ہیں۔ آپ کی جوابدہی طے ہوگی‘‘۔ پرینکا گاندھی نے اپنے ٹویٹس کے ساتھ ایک خبر بھی پوسٹ کی ہے جس میں مبینہ تشدد میں ملوث افراد کے پوسٹر لگانے کے معاملہ میں ریاستی حکومت کو الہ آباد ہائی کورٹ کی طرف سے جاری کئے گئے نوٹس کے حوالہ کا ذکر ہے ۔قبل ازیں کانگریس کے سابق صدر راہل گاندھی نے اتوار کو خواتین کے عالمی دن پر ملک کی تمام خواتین کو مبارک باد دی اور انہیں مردوں سے زیادہ طاقتور بتایا۔راہول گاندھی نے ایک ٹویٹ میں کہا’’ ہندوستان کی تمام خواتین کو یوم خواتین کی مبارکباد ۔ آپ روز بروز مستحکم ہوتی جائیں‘‘۔انہوں نے مہاتما گاندھی کے ایک بیان کا بھی اسی ٹویٹس میں ذکر کیا جس میں کہا گیا ہے ’’اگر طاقتور کا مطلب اخلاقی طاقت ہے تو خواتین قدرتی طورسے مردوں سے زیادہ طاقتور ہے ‘‘۔کانگریس لیڈر نے اپنی ٹویٹس میں ایک تصویر بھی پوسٹ کی ہے جس میں ملک کی اہم خواتین کی تصاویر ہیں۔