ریاض ۔8 مارچ (ایجنسیز) ہمسایہ ممالک سے معافی مانگنے والے ایران کے صدر مسعود پزشکیان کے بیان کے صرف ایک دن بعد خلیج فارس کے کئی ممالک میں اتوار کی صبح ڈرون اور میزائل حملوں کی نئی لہر ریکارڈ کی گئی، جس سے خطے میں کشیدگی مزید بڑھ گئی ہے۔کویت فوج نے کہا ہے کہ کویت انٹرنیشنل ایئرپورٹ کے ایندھن ذخیرہ کرنے کے علاقے کو ‘دشمن ڈرونز کی لہر’ نے نشانہ بنایا۔ فوج کے مطابق فضائی دفاعی نظام نے کئی ڈرون اور بیلسٹک میزائل مار گرائے، لیکن روکنے کے دوران گرنے والے ملبے سے کچھ شہری ڈھانچوں کو نقصان پہنچا۔سرکاری میڈیا کے مطابق ڈرون حملے میں ‘پبلک انسٹیٹیوشن فار سوشل سکیورٹی’ کی تقریباً 22 منزلہ اس عمارت میں آگ لگنے کی تصاویر سامنے آئی ہیں، لیکن اس میں کسی کے زخمی ہونے کی خبر نہیں ہے۔
