کوڑنگل میں ڈاکٹر امبیڈکر کو خراج ، سبیتا اندرا ریڈی کا خطاب
کوڑنگل ۔ گذشتہ روز کوڑنگل منڈل کے نمائندہ مواضعات میں آنجہانی ڈاکٹر بابا صاحب امبیڈکرکی 130 ویں یوم پیدائش تقریب کا کامیاب انعقاد عمل میں آیا ۔ رکن اسمبلی مسٹر نریندر ریڈی کے ہمراہ ریاستی وزیر تعلیم سبیتا اندرا ریڈی نے موضع چٹلہ پلی و حسن آباد میں واقع امبیڈکر مجسموں پر گلہائے عقیدت پیش کرتے ہوئے زبردست خراج عقیدت پیش کیا ۔ بعد ازاں چٹلہ پلی اور ٹیکل کوٹ مواضعات میں کسان بھون عمارت کا افتتاح کیا ۔ اس ضمن میں منعقدہ اجلاس کو مخاطب کرتے ہوئے کہا کہ ڈاکٹر بی آر امبیڈکر کی فلاحی خدمات ناقابل فراموش ہیں ۔ آنجہانی کا ترتیب دیاہوا ۔ دستور تاحال رائج ہے ۔ اور کہا کہ علم کی بدولت ہی ترقی ممکن ہے ۔ چھ سال میں ہی گروکل اسکول کے 250 طلباء کو ایم بی بی ایس میں نشستیں حاصل ہوئی ہیں ۔ حکومت کی جانب سے تمام طبقات کو مساوی سہولیات مہیا کی گئی ہیں ۔ اس دوران سرپنچ فقیرپانے مخدوش اسکول عمارت کی جانب توجہ دلائی ۔ وزیر موصوفہ نے اسکول کی نئی عمارت تعمیر کروانے کا تیقن دیا ۔ اس پروگرام میں ایم پی پی مدپا کے علاوہ سرکاری عہدیدار و سرپنچوں نے حصہ لیا ۔
