دھرمشالہ ۔ 13 ستمبر (سیاست ڈاٹ کام) جنوبی افریقی ٹیم کے سابق آل راونڈر اور موجودہ بیٹنگ مشیر لانس کلوسنر نے ہندوستانی نوجوان وکٹ کیپر بیٹسمین رشپھ پنت کو غیرمعمولی صلاحیتوں کا حامل کھلاڑی قرار دیا ہے اور کہا ہیکہ آنے والے دنوں میں ان کے مظاہروں میں مزید استقلال ہوگا۔ پنت جن کا ونڈے میں اوسط 22.90 اور ٹوئنٹی 20 میں اوسط 21.57 ہے لیکن کلوسنر کا ماننا ہیکہ یہ اوسط پنت کی صلاحیتوں کے مطابق نہیں ہے۔ کلوسنر نے مزید کہا کہ پنت ایک غیرمعمولی صلاحیتوں کے کھلاڑی ہیں اور انہیں چاہئے کہ وہ خود کو زیادہ وقت دیں اور ماضی کی غلطیوں سے سیکھنے میں تیزی پیدا کریں۔ کلوسنر کے بموجب جو کھلاڑی اپنی غلطیوں سے خود ہی سیکھتے ہیں ان میں عظیم کھلاڑی ہونے کی نشانی پائی جاتی ہے اور امید ہیکہ پنت بھی ماضی کی غلطیوں سے جلد از جلد سیکھتے ہوئے اپنے مظاہروں میں استقلال پیدا کریں گے۔
