چھوٹے اور پسماندہ کسانوں کے دو لاکھ روپے تک کا قرض معاف
چندی گڑھ:پنجاب حکومت نے سال 22۔2021 کے بجٹ میں عوام پر اور کوئی نیا ٹیکس تھوپنے سے بچنے کے ساتھ ہی معمرافراد، آزادی فوج پنشن اور آشرواد یوجنا کی رقم میں اضافہ کرنے اور خواتین اور سرکاری کالجوں کے طلبہ کو سرکاری بسوں میں مفت سفر کرنے کی سہولت دی ہے۔وزیر فینانس منپریت سنگھ بادل نے ریاست کی کیپٹن امریندر سنگھ کی قیادت والی کانگریس حکومت کے دور اقتدار کا آج یہاں آخری بجٹ پیش کرتے ہوئے اسے کسانوں اور مزدوروں کیلئے مختص بجٹ بتایا۔ انہوں نے اس میں یکم ؍ جولائی 2021 سے معمر افراد پنشن 750 روپے سے بڑھاکر 1500 روپئے کرنے،مجاہد اآزادی پنشن یکم؍ اپریل 2021 سے 7500 روپے بڑھا کر 9400 روپے فی ماہ کرنے کی تجویز پیش کی ہے۔ انہوں نے عالمی یوم خواتین پر ریاست کی خواتین کو بڑا تحفہ دیتے ہوئے انہیں سرکاری بسوں میں مفت سفر کرنے کی سہولت دینے اور ریاستی حکومت کے ملازمین کے پے کمیشن کیلئے بھی تقریباً نو ہزار کروڑ روپے کا بجٹ میں التزام کرنے کا اعلان کیا۔انہوں نے پچھلی اکالی۔ بی جے پی مخلوط حکومت پر بھی ریاست کو بد نظمی میں دھکیلنے ، دیوالیہ پن کے دہانے اور ریاستی شہریوں کو گروی رکھنے کا الزام عائد کیا۔ اس حکومت کے دور میں بجٹ خسارے میں کئی گنا اضافہ ہوا اور وہ اس کے بارے میں جھوٹ بولتی رہی۔انہوں نے کہا کہ حکومت کاشتکاروں کو مفت بجلی کی فراہمی جاری رکھے گی۔ پچھلے چار سالوں میں ، تقریباً 14.23 لاکھ کسانوں کو 23851 کروڑ روپے کی مفت بجلی فراہم کی گئی ہے۔ کسانوں کے فصل قرض معافی اسکیم کے بارے میں ، انہوں نے کہا، اس کے تحت چھوٹے اور پسماندہ کسانوں ، جن میں دو لاکھ روپے تک کا مجموعی طور پر تقریباً 4624 کروڑ روپے کا قرض معاف کیا گیا ہے۔ سال 2021-22 کے دوران ، 1.13 لاکھ کسانوں کے 1186 کروڑ روپئے اور بے زمین کھیت مزدوروں کو 526 کروڑ میں قرض معاف کرنے کیلئے 1712 کروڑ روپے کی فراہمی کی گئی ہے۔