واشنگٹن : 19جون ( ایجنسیز ) امریکہ وزارتِ دفاع ‘پنٹگان’ نے، سوشل میڈیا اکاؤنٹ سے بار بار اسرائیل اور امریکہ کی ‘اسرائیل پالیسی’ پر تنقید کرنے کی وجہ سے، اپنے ایک سینئر فوجی افسر کو معزول کر دیا ہے۔ جوائنٹ چیفس آف اسٹاف کے جے 5 پلاننگ ڈائریکٹریٹ میں لیونٹ اور مصر کے برانچ چیف ‘کرنل ناتھن مک کارمیک’ کو ان کے عہدے سے ہٹا دیا گیا ہے۔ اسرائیل سے منسلک خبر رساں ادارے ‘جیوش نیوز سنڈیکیٹ’ کے مطابق یہ فیصلہ ان کی سوشل میڈیا پوسٹوں کے منظر عام پر آنے کے بعد کیا گیاہے۔مڈل ایسٹ آئی کے مطابق مغربی ممالک، ہولوکاسٹ کے جرم کے باعث، اسرائیل پر تنقید سے گریز کی کوشش کرتے ہیں۔ لیکن ‘مک کارمیک’ کی سوشل میڈیا پوسٹوں میں واشنگٹن کو اسرائیل کے “غلط رویے” کو شہ دینے کا قصوروار ٹھہرایا گیا ہے”۔مک کارمیک نے اسرائیل کے وزیر اعظم بنجامن نیتن یاہو پر تنقید کی اور کہا ہے کہ اسرائیل کے دہائیوں پر محیط اقدامات نے نسلی صفائی اور نسل کشی کے الزامات کو جنم دیا ہے۔ان کی یہ تنقیدی پوسٹیں محفوظ کر لی گئی ہیں اورایک تحقیقی افسر کو ان کے جائزے کی ذمہ داری سونپ دی گئی ہے۔ایک پوسٹ میں ‘مک کارمیک’ نے نیتن یاہو اور ان کے اتحادیوں کو “یہودی برتری کے حامی” قرار دیا ۔
