واشنگٹن : پنٹگان نے عراق میں امریکی فوجیوں اور کنٹریکٹروں کے زیراستعمال اڈوں پر مسلسل حملوں پر تشویش کا اظہار کیا ہے۔محکمہ دفاع کے پریس سیکریٹری جان کربی نے پیر کے روز صحافیوں سے گفتگو کرتے ہوئے کہا ہے کہ امریکہ ان حملوں میں ملوّث عناصر کا سراغ لگانے کے بعد مناسب جواب دے گا۔انھوں نے عراق میں امریکی فوج کے سدِّجارحیت کے طریقوں کا دفاع کیا ہے۔عراق میں ایران کی حمایت یافتہ ملیشیائیں آئے دن امریکی فوج کے زیراستعمال اڈوں یا جگہوں پر حملے کرتی رہتی ہیں۔جان کربی نے کہا کہ وقتاً فوقتاً حملوں کا یہ مطلب نہیں کہ سدِّجارحیت کے تمام جنگی حربے کام نہیں دے رہے ہیں لیکن آپ واضح طور پر زیرو صورت حال چاہتے ہیں۔ان کا کہنا تھا کہ ایسے کوئی قابل قبول شواہد دستیاب نہیں ہوئے جن کی بنیاد پر یہ کہا جاسکے کہ پیر کو حملے کا کون ذمہ دار ہے۔