ماسکو : روس کے صدر ولادیمیر پوتن جی-20 سربراہی اجلاس میں شرکت کے لیے ہندوستان نہیں جائیں گے ۔ روسی صدر کے ترجمان دمتری پیسکوف نے جمعہ کو یہاں میڈیا کو یہ اطلاع دی۔ انہوں نے کہا کہ پوتن ستمبر میں جی 20 سربراہی اجلاس کے لیے ہندوستان کے دورے کا منصوبہ نہیں بنا رہے ہیں۔ انہوں نے کہا کہ اس وقت سب سے زیادہ زور خصوصی فوجی آپریشن پر ہے۔جی-20 سربراہی اجلاس 9 اور 10 ستمبر کو نئی دہلی کے پرگتی میدان میں نو تعمیر شدہ بھارت منڈپم میں منعقد ہوگا۔قابل ذکر ہے کہ پوتن جنوبی افریقہ کے شہر جوہانسبرگ میں منعقد ہونے والی 15ویں برکس چوٹی کانفرنس میں شرکت کے لیے بھی نہیں گئے تھے۔دہلی میں ہونے والی جی ۔ 20 میٹنگ میں رکن ممالک کے اعلیٰ قائدین شرکت کریں گے ۔
