نئی دہلی: پولنگ بوتھ کی اہمیت پرروشنی ڈالتے ہوئے آل انڈیا پولنگ بوتھ کانگریس کے صدر انتخاب عالم نے کہا کہ یہ کسی بھی سیاسی پارٹی کی روح یا ریڑھ کی ہڈی ہوتی ہے اور یہی یونٹ عوام اور ووٹروں کے رابطے میں رہتی ہے اور عوام اورپارٹی کے درمیان پل کا کام کرتی ہے ۔ یہ بات انہوں نے آل انڈیا پولنگ بوتھ کانگریس کی ایک میٹنگ میں کہی۔ میٹنگ کی صدارت کرتے ہوئے انہوں نے کہاکہ بوتھ ہماری سب سے بڑی طاقت ہے اور جو بوتھ کاصحیح ڈھنگ سے انتظام کرنے میں کامیاب ہوتے ہیں جیت اسی پارٹی کی ہوتی ہے ۔ انہوں نے کہاکہ اس لیے ہماری پارٹی کے پولنگ بوتھ کو مضبوط کرنا بہت ضروری ہے ۔ہم ان تمام لوگوں سے درخواست کرتے ہیں جو کانگریس پارٹی سے وفاداری رکھتے ہیں، وہ پوری طاقت کے ساتھ پولنگ بوتھ کانگریس میں شامل ہوں۔اس میٹنگ میں جنرل سکریٹری روشن بگھیل، گربخش اہلووالیہ، قومی ترجمان روی والیا قومی سکریٹری ونود کمار، رضوان احمد، چھتیس گڑھ کے صدر آنند مشرا، دہلی ریاستی نائب صدر جتیندر سنگھ سولنکی سکریٹری سدھیر مہتا، سنیل سکسینہ، ونے کمار گپتا کے علاوہ تنظیم کے دیگر عہدیدار شامل ہوئے اور وہاں موجود تمام افسران نے قومی سطح پر پولنگ بوتھ کو مضبوط بنانے اور 2024 کے مشن کے لیے پوری طاقت سے کام کرتے ہوئے کانگریس کو جیت دلانے کا حلف لیا۔ انتخاب عالم نے کہا کہ آل انڈیا پولنگ بوتھ کانگریس کا ایک ہی خواب مشن 2024 ہے جس میں کانگریس کے سابق صدر راہل گاندھی کو ملک کا اگلا وزیر اعظم بنانا ہے ۔ انہوں نے کہا کہ کانگریس میں ہی یہ خوبی ہے کہ ہندوستان میں بسنے والے تمام طبقوں، فرقوں اور سماج کو ایک ساتھ رکھتے ہوئے ملک کو متحد رکھ سکتی ہے ۔انہوں نے کہاکہ آل انڈیا پولنگ بوتھ کانگریس مشن 2024 میں کامیابی حاصل کرنے کے لیے ہر پولنگ بوتھ پر سیکولر کمیٹیوں کی تشکیل عام عوام کے دروازے پر دستک دے گی۔
