نئی دہلی :وزیر اعظم نریندر مودی نے آج پولیس میموریل ڈے کے موقع پر فرض کیلئے اپنی جانیں دینے والے شہید پولیس اہلکاروں کو خراج عقیدت پیش کرتے ہوئے کہا کہ ان کی قربانی اور خدمات کو ہمیشہ یاد رکھا جائے گا۔ مودی نے آج ‘پولیس میموریل ڈے ’ کے موقع پر شہید پولیس اہلکاروں کی شہادت کو یاد کرتے ہوئے ٹوئٹ کیا کہ پولیس میموریل ڈے ملک بھر میں ہمارے پولیس اہلکاروں اور ان کے اہل خانہ کا شکریہ ادا کرنے کا دن ہے ۔ اس دن ہم ان تمام پولیس اہلکاروں کو خراج عقیدت پیش کرتے ہیں جو اپنے فرض کے لئے شہید ہوئے تھے ۔ ان کی قربانی اور خدمات کو ہمیشہ یاد رکھا جائے گا ’’۔مودی نے مزید لکھا ‘‘امن و امان برقرار رکھنے سے لے کر ، پولیس اہلکار خوفناک کیسز کو حل کرنے ، ڈیزاسٹر مینجمنٹ سے لے کر کووڈ کے چیلینجز تک سے نمٹنے میں تعاون کرتے ہیں۔ ہمیں ان کی فرض شناسی پر فخر ہے۔