سرینگر: پولیس کے تشدد سے کشمیری کی شہادت کو خودکشی کا رنگ دینے کی کوششیں بے نقاب ہو گئیں۔ میڈیا نے بھی مذکورہ کشمیری کی موت کو خودکشی قرار دینے میں بھرپور کردار ادا کیا تاہم صحافی کی آڈیو لیک نے بھانڈا پھوڑ دیا۔آڈیو لیک میں صحافی منیش شرما کو اپنے ماتحت کو حقائق مسخ کرنے کی ہدایات دیتے ہوئے سنا جا سکتا ہے۔ میڈیا کے مطابق پولیس نے بھی اب تک اس واقعے سے متعلق کوئی بیان جاری نہیں کیا ہے۔دوسری جانب مقتول کے اہلِ خانہ نے واقعہ سے متعلق مجسٹریٹ کی انکوائری رپورٹ مستردکردی اور کہا کہ تحقیقات میں حقائق کو مسخ کیا گیا۔مقتول مختار شاہ کے بھائی کے مطابق 50 سالہ مختار کے جسم پر تشدد کے نشانات موجود ہیں، اسے پولیس نے تشدد کر کے شہید کیا۔
