نئی دہلی، 16 فروری (سیاست ڈاٹ کام) مرکزی وزیر داخلہ امت شاہ نے اتوار کو کہا کہ پولیس کا کام لا اینڈ آرڈر اور سسٹمز برقرار رکھنا ہوتا ہے اور وہ کسی کے ذات یا مذہب کو دیکھ کر کام نہیں کرتی ہے ۔دہلی پولیس کے 73 ویں یوم تاسیس کی تقریب کے موقع پر آج منعقد تقریب سے خطاب کرتے ہوئے مسٹر شاہ نے کہا کہ پولیس کسی کی دشمن نہیں ہے ، وہ امن کی دوست ہے اور ضرورت پر مدد کرتی ہے ۔لہذا پولیس کا احترام کیا جانا چاہیے ۔مسٹر شاہ نے پولیس کو فسادیوں کی جانب سے نشانہ بنانے کو غلط بتاتے ہوئے کہا کہ پولیس کا کام امن و امان اور سسٹمز برقرار اور ذات یا مذہب کو دیکھے بغیر کام کرنا ہوتا ہے ۔انہوں نے کہا کہ دہلی پولیس کے لئے یہ فخر کا مقام ہے کہ اس کی شروعات ملک کے آئرن مین سردار پٹیل نے کی تھی۔ انہوں نے کہا کہ وزیر اعظم نریندر مودی کے حال میں مثبت تبصرے سے دہلی پولیس کے ہر اہلکار کومفتخر ہونا چاہئے ۔وزیر داخلہ نے کہا کہ ملک کی آزادی کے بعد 35 ہزار سے زائد پولیس جوانوں نے اپنی پہلی قربانی ملک کی سلامتی اور امن و امان برقرار رکھنے کے لئے دی ہے ۔ وزیر اعظم نے پولیس اہلکاروں کی قربانی کو ہمیشہ یاد رکھنے کے لئے دہلی میں نیشنل پولیس یادگاری بنوایا۔ یہ پولیس اہلکاروں کی قربانی کا ثبوت ہے ۔مسٹر شاہ نے کہا کہ مرکزی حکومت کے نربھیا فنڈ کے تحت دہلی پولیس نے 112 نمبر پرا سمارٹ پولیسنگ سروس شروع کی ہے ۔
