حیدرآباد ۔ 2مارچ ( پی ٹی آئی ) پولیس نے پیر کے روز 14بچوں کو بچاتے ہوئے بچوں کی اسمگلنگ میں ملوث بین ریاستی ٹولی کے دو ارکان کو گرفتار کرلیا ۔ جو کمسن بچوں کو چوڑیاں بنانے کے کام میں بچہ مزدور کے طور پر استعمال کررہے تھے ۔ پولیس ذرائع نے کہا کہ دو مقامات پر دھاوا کرتے ہوئے ان دو افراد کو گرفتار کیا گیا اور 14بچوں کو بچالیا گیا جن کی عمر 14سال سے کم ہے ۔دونوں افراد کا تعلق بہار سے ہے اور وہ حیدرآباد میں چوڑی بنانے کے کارخانے چلارہے تھے ۔
