حیدرآباد۔ اپل کے علاقہ میں ایک پولیس کانسٹبل کی خودکشی کا واقعہ پیش آیا۔ پولیس ذرائع کے مطابق 28 سالہ پولیس کانسٹبل شیوا پرساد جو اپل میں رہتا تھا اس نے نامعلوم زہریلی شئے کا استعمال کرتے ہوئے خودکشی کرلی۔ گذشتہ روز اس نے میٹرو اسٹیشن پہنچ کر انتہائی اقدام کیا ۔ پولیس نے بتایا کہ شیوا پرساد ایک لڑکی سے محبت کرتا تھا اور اس لڑکی سے ملاقات کرنے اور بات چیت میں رکاوٹ اور دشواری پیش آرہی تھی جس سے دلبرداشتہ ہوکر اس نے خودکشی کرلی۔ پولیس نے مقدمہ درج کرلیا ہے اور مصروف تحقیقات ہے۔
