حیدرآباد۔ تلنگانہ ہائیکورٹ کے جج جسٹس بی وجئے سین ریڈی نے آج کہا کہ پولیس کا کام کسی کیس کی تحقیقات کرنا ہے اس کی یکسوئی کرنا نہیںہے ۔ جسٹس وجئے سین ریڈی نے کہا کہ ہائیکورٹ سیول تنازعات کی یکسوئی میں پولیس کی زیادتیوں کو برداشت نہیں کریگا ۔ عدالت میں اسٹیشن ہاوز آفیسر حضور آباد پولیس اسٹیشن سرینواس کے خلاف تروپتی ریڈی نامی شخص کی توہین عدالت کی درخواست کی سماعت کی جا رہی تھی ۔ درخواست گذار کا الزام تھا کہ عدالت کے احکام کے باوجود پولیس ایک سیول تنازعہ میں مداخلت کر رہی ہے ۔ جج نے کہا کہ پولیس کا کام مقدمہ کی تحقیقات کرنا ہے اس کی یکسوئی کرنا نہیں ۔ آئندہ سماعت 27 اگسٹ تک کیلئے ملتوی کردی گئی ۔