وارسا: پولینڈ کا کہنا ہے کہ اس نے سینکڑوں مہاجرین کی بیلاروس سے غیر قانونی طورپر ملک میں داخل ہونے کی کوششیں ناکام کر دیں۔ امریکہ اور یورپی یونین نے اس ‘منظم‘ مہاجرت کے لیے منسک کو مورد الزام ٹھہرایا ہے۔ نیٹو نے بیلاروس پر نکتہ چینی کرتے ہوئے پیر کے روز کہا کہ الیکزانڈر لوکاژینکو حکومت مہاجرین کو سیاسی آلہ کے طور پر استعمال کر رہی ہے جبکہ یورپی یونین نے منسک کے خلاف نئی پابندیاں عائد کرنے کا مطالبہ کیا۔برسلز کا کہنا ہے کہ لوژینکوانسانی حقوق کے خلاف ورزیوں کی وجہ سے بیلاروس پر یورپی یونین کی جانب سے عائد کی گئی پابندیوں کے انتقام کے طور پر بڑے پیمانے پر مہاجرین کو یورپ میں داخل ہونے کی حوصلہ افزائی کررہے ہیں۔