واشنگٹن، 3 جنوری (سیاست ڈاٹ کام) امریکی وزیر خارجہ مائیک پومپیو نے بغداد میں امریکی سفارت خانے کی حفاظت پر عراقی پارلیمنٹ کے اسپیکر محمد الحلبوسي ارحل سے فون پر بات کی اور سفارت خانے کی حفاظت کے بارے میں رضا مندی ظاہر کی ہے ۔امریکی وزارت خارجہ کی ترجمان مورگن اورٹاگس نے جمعرات کو ایک بیان میں کہا کہ وزیر خارجہ مائیک پومپیو نے عراق کی پارلیمنٹ کے اسپیکر محمد الحلبوسي سے فون پر بات چیت کرکے سفارت خانے کی حفاظت کے بارے میں اتفاق ظاہر کیا۔ انہوں نے بغداد میں 31 دسمبر کو امریکی سفارت خانے پر ایران کی حمایت یافتہ دہشت گردوں کی جانب سے کئے گئے حملے کی مذمت کی اور کہا کہ ہمارے سفارتی مشن کے خلاف حملوں کو روکنے کی ذمہ داری عراق حکومت کی ہے ’’۔واضح رہے کہ عراقی مظاہرین نے عراق اور شام میں کتائب حزب اللہ شیعہ جنگجوؤں کو نشانہ بنانے والے حالیہ امریکی فضائی حملوں کے خلاف منگل کو بغداد میں واقع امریکی سفارت خانے پر حملہ کرکے اس کی بیرونی باڑ میں آگ لگا دی تھی۔
