نئی دہلی 13جنوری (سیاست ڈاٹ کام ) ملک میں پٹرول۔ڈیزل کی قیمتوں میں پیر کے روز مسلسل دوسرے دن گراوٹ دیکھی گئی اور مختلف شہروں میں پٹرول نو سے 10 پیسے اور ڈیزل کی قیمت پانچ سے چھ پیسے فی لیٹر کم ہوئی۔ملک کی سب سے بڑی تیل مارکیٹنگ کمپنی انڈین آئل کارپوریشن کے مطابق، قومی دارالحکومت دہلی میں پیٹرول آج 10 پیسے سستا ہوکر 75.80 روپے فی لیٹر ہوگیا۔ یہ 08 جنوری کے بعد کی سب سے نچلی سطح ہے ۔ ڈیزل بھی پانچ پیسے سستا ہوکر 69.06 روپے فی لیٹر پر آ گیا۔ممبئی اور چنئی میں بھی پٹرول کی قیمت 10-10 پیسے کم ہوکر بالترتیب 81.39 روپے اور 78.76 روپے فی لیٹر رہ گئی۔کولکتہ میں پٹرول نو پیسے سستا ہوکر آج 78.39 روپے فی لیٹر کے حساب سے فروخت ہوا۔ ڈیزل کی قیمت کولکتہ اور ممبئی میں پانچ پانچ پیسے کی کمی کے ساتھ بالترتیب 71.43 روپے اور 72.42 روپے فی لیٹر رہی۔چینائی میں یہ چھ پیسے سستا ہوکر 72.98 روپے فی لیٹر رہا۔
